Sukanya Samriddhi Yojana

Bharat Sarkar dwara 21 January 2015 mein Sukanya Samriddhi Yojana (SSY) ko launch kiya gaya tha. Is Yojana ka uddeshya Mata Pita ko Unki beti Ke ujjwal bhavishya ke liye protsahit karna hai. Is Yojna ka Labh aap bhi apni beti ke liye registration kar Utha sakte hain. Pradhan Mantri Narendra Modi ne yeh scheme “Beti Bachao beti padhao” Abhiyan ke tahat launch kiya tha.

Is Yojana ke antargat aap India mein kisi bhi Bank jo ki is Yojana ke andar registered hai aur Kisi bhi post office mein jakar Khata khulwa sakte hain. Is account ko baad mein kisi bhi location mein change kiya Ja sakta hai. Is Yojana ka Labh beti ki Umar ke 10 saal Pure Ho Jaane Se Pehle Kisi bhi Samay kiya ja sakta hai.

Sukanya Samriddhi Yojana Khata Kaun khulwa sakta hai?

Is Yojana ke antargat 1 beti Ke Naam Par 1  hi Khata khulwaya Ja sakta hai. Iske Alawa Ek abhibhavak dwara 2 Account adhiktam Khulwaye ja sakte hain. SSY Khata beti ke Janam ki tarikh se 10 saal ki Umr Tak Khulwaya Ja sakta hai.

Sukanya Samriddhi account mein minimum kitne paise jama karne hai?

Is Scheme ke antargat aapko kam se kam rs. 1000 salana jama karne hain.

Sukanya Samriddhi account mein adhiktam Jama Rashi

Is Yojana main aap ek baar Mein maximum 1.5 lakh rupay ki Rashi Jama kar sakte hain jis mein 1 mahine athva financial year mein paise Jama karne ki sankhya ki koi seema nahi hai.

SSY account ki Amount deposit Avdhi?

Is scheme ke antrgat aap Khata kholne ki Tarik se 14 saal Tak paise Jama kar sakte hain. Avdhi Puri hone ke baad account Lagu Interest rate Ke anusar interest Arjit Karta rahega.